- Hasi dira datozen hamabost urteetarako kontserbazio-lehentasunak ezarriko dituen «Euskal Autonomia Erkidegoko 2030erako Biodibertsitate Estrategia» osatzeko lanak.
Eusko Jaurlaritzako Ingurumen eta Lurralde Politika Saila «Euskal Autonomia Erkidegoko 2030erako Biodibertsitate Estrategia» egitasmoa lantzeko prozesuan buru-belarri sartuta dago. Partaidetza-prozesu garrantzitsu batekin abiarazi da, biodibertsitatearekin lotutako dimentsio sektorial osoa kontuan hartzeko. Ahalik eta iritzi, proposamen, ekarpen eta iradokizun gehien biltzea da helburua, horretarako hainbat parte-hartze kanal irekita; adibidez, gobernu irekiko Irekia plataforma, sare sozialak edo bilera teknikoak.
Euskal Autonomia Erkidegoko 2030erako Biodibertsitate Estrategia lerrokatuta dago beste agiri askotan, tartean, Europako Biodibertsitate Estrategia eta Dibertsitate Biologikoaren Plan Estrategikoa zehaztutako nazioarteko biodibertsitate-helburuekin.
Aztertzen ari garen egitasmoa lehentasunezko helburu hauekin jaio da: Euskadiko ekosistemen hondatzea geldiaraztea; habitat eta espezie basati, lehortar eta itsastar nagusien egoera hobetzea; eta lurralde zatiketaren eta inbasio biologikoen auziak modu integral eta sistematikoan aztertzea.
Estrategia honen jardun-ildo nagusiak EAEko 2020rako IV. Ingurumen Esparru Programan daude jasota, zehazki, 1. helburu estrategikoan:Gure kapital naturala babestea, kontserbatzea eta leheneratzea, ekosistemek ematen dizkiguten zerbitzuak zainduz.
- Ingurune naturalaren kontserbazioa modu eraginkorrean txertatzea politika sektorialetan.
- Ekosistemen eta beren zerbitzuen galera mugatzea.
- Lurzoruaren okupazioa geldiaraztea, erabileren nahasketa sustatzea eta espazio degradatuak berroneratzea eta berrerabiltzea bultzatzea.
- Euskadiko kapital naturalaren kudeaketan tresna ekonomikoak jasotzea.
- Lurraldean jarduten duten eragileak ekosistemen zerbitzuen garrantziaz sentsibilizatzea eta haiekin konprometitzea.