Datorren astelehenean, urtarrilak 20, Euskotrenek Bilboko tranbiaren maiztasunak areagotuko ditu, egun horretan, San Mamesen, gaueko 22:00etan hasita Athletic eta Real Valladolid taldeen aurkako partidara doazen pertsonen joan-etorri beharrak betetzeko.

Horrela, Euskotrenek erabiltzaileei 10 minutuz behineko ohiko zirkulazioaz gain, beste zenbait zerbitzu berezi ere eskainiko dizkie erabiltzaileei, Pio Barojatik La Casillarantz 21:01ean, 21:21ean, 21:33an eta 21:43an.

Norgehiagoka amaitu ondoren, tranbiaren zirkulazio bereziak martxan jarriko dira Ospitaletik  23:56an eta 0:03an eta La Casillatik 0:18an Atxurirantz eta beste bat Atxuritik La Casillarantz  23:52an ohiko zerbitzua indartzeko.

Unitate berezi horiei esker geraleku horietan dauden bidaiari guztiak eraman ahal izango dira.

Bilboko tranbiarako sarrera errazagoa eta azkarragoa izan dadin,  Euskotrenek ordaintzerakoan Barik erabiltzea gomendatzen du. Informazio gehiago lortzeko asmoz, erabiltzaileek 902 543 210 telefono zenbakira dei dezakete edota tranbiaren www.euskotren.es web gunea kontsulta dezakete.

Euskotrenek gaueko eta eguneko tren zerbitzu bereziak eskainiko ditu Donostiako festara doazen pertsonen joan-etorri beharrak betetzeko.

Zerbitzu berezi honetan gaueko trenak egongo dira urtarrilaren 19ko gauean Lasarte/Oria-Hendaia (Topoa) eta Zumaia-Donostia (Kosta) lineatan. Horrez gain goizez zerbitzu gehigarriak egongo dira urtarrilaren 20an Zumaia-Donostia artean.

•Topoaren linean Lasarte/Oria-Hendaia artean urtarrilaren 19ko gauean gaueko trenen eskaintza egongo da 30 minuturik behin.

Tren bereziek honako ezaugarri hauek izango dituzte:

IRTEERAK LASARTE-ORIATIK HENDAIARA:

22:00, 22:30, 23:30, 0:00, 0:30, 1:00, 1:30, 2:00, 2:30, 3:00, 3:30, 4:00, 4:30, 5:00, 5:30 (Donostiaraino) eta 6:00etan. Gainera, bi irteera Donostiatik Hendaiara 23:15ean eta 5:55ean eta beste bat Donostiatik Oiartzunera 5:00etan

IRTEERAK HENDAIATIK LASARTE-ORIARA:

22:33, 23:03, 23:33, 0:03, 0:33, 1:03, 1:33, 2:03, 2:33, 3:03, 3:33, 4:03, 4:33, 5:03, 5:33 eta 6:03an. Gainera, beste irteera bat Oiartzunetik Lasartera 5:34an.

•Zumaia eta Donostia arteko zerbitzu gehigarriak linea honetako ohikoa osatzen du. Geltoki bien artean 60 minuturik behin gaueko trenen eskaintza (urtarrilaren 19tik 20ra bitarteko gauean) eta 30 minuturik behin urtarrilaren 20ko egun gehiena.

Tren berezien ordutegiak ondorengo hauek dira:

URTARRILAREN 19TIK 20RA BITARTEKO GAUA

Zumaia-Donostia:

Irteerak Zumaiatik Donostiara orduro 23:30etik 4:30era.

Donostia-Zumaia:

Irteerak Donostiatik Zumaiara orduro 22:50etik 5:50era.

URTARRILAK 20

Zumaia-Donostia:

Irteerak Zumaiatik Donostira 30 minuturo 6:00etatik 20:00etara

Donostia-Zumaia:

Irteerak Donostiatik Zumaiara 30 minuturo 6:20etatik 20:50era.

Informazio gehiago behar duten erabiltzaileek Euskotrenen honako telefono zenbaki honetara dei dezakete 902 543 210. Horrez gain informazioa jaso dezakete geltokietan eta geralekuetan eta konpainiaren web gunean www.euskotren.es

Eusko Jaurlaritzako Ingurumen eta Lurralde Politika Sailaren esku dagoen Euskotren Sozietate Publikoak, urtarrilaren 20ko astelehen goizaldean 7 autobusen zerbitzu berezia eskainiko du, Azpeitian (Gipuzkoa) ospatuko den 2014ko Danborrada dela eta.

Zerbitzu honi esker urtarrilaren 19an igandean arratsalde/gauean zehar Azpeitira hurbilduko diren pertsonek Azkoitira, Zestoara eta Zumaiara beraien joan-etorriak garraio publikoan burutu ahal izango dituzte.

Urtarrilaren 20ko goizaldean Azpeititik irteera orduak ondorengo hauek izango dira:

- Azkoitira: 1:00ean, 2:00etan, 3:20an, 4:00etan eta goizaldeko 5:20an. Euskotrenek ohiko geldialdi guztiak burutuko ditu Anbulatorioa eta Julio Urkijo kalearen artean.

- Zestoara eta Zumaira joateko: 2:30ean eta goizaldeko 4:30ean. Euskotrenek ohiko geldialdi guztiak burutuko ditu Anbulatorioa eta Patxita Etxezarreta kalearen artean.

Informazio gehiago behar duten erabiltzaileek 902 543 210 informazio telefonoa eta www.euskotren.es Euskotreneko web-orrialdea eskura izango dituzte.

Eusko Jaurlaritzako Ingurumen eta Lurralde Politika Sailaren esku dagoen Euskotren Sozietate Publikoak, datorren astelehen goizean, urtarrilaren 20an, Zumaia –Donostia lineako ohiko autobusen zerbitzua aldatuko du kapitalera sartzeko eta irteteko sarrera eta irteeretan Haur Danborrada dela eta.

Aldaketak, batez ere, 10:30ak eta 14:30ak bitartean emango dira eta ondorengo hauek izango dira:

•Donostiara sartzeko: 10:30ak eta 14:30ak bitartean, autobusak Donostiara San Martin kaletik sartuko dira, Easo kalerantz eta azken honetako bus errailetik ibiliko dira Pio XIIra sartzeko. Hori dela eta, bidaiarien jaitsiera geralekua atzeratu egingo da aipatutako aldian Easo kalearen bidegurutzera.

•Donostiatik irteerak: 10:30ak eta 14:30ak bitartean irtengo diren autobusek, Easo kaletik burutuko dute (eskuarki Askatasuna Etorbidean burutzen dute). Zerbitzu hauek guztientzako, Askatasuna Etorbideko ohiko geralekua Zubieta kaleko 14. zenbakian burutuko da.

Informazio gehiago behar duten erabiltzaileek 902 543 210 telefono zenbakia eta www.euskotren.es Euskotreneko web-orrialdea eskura izango dituzte.

Euskotrenek tren zerbitzua indartuko du asteazkenean, urtarrilaren 22an, Erreala eta R. Racing C. taldeek Anoeta estadioan 20:00etan jokatuko duten partida dela eta.

Zerbitzua indartzen duten tren bereziek ohiko geldialdiak egingo dituzte gainerako geltokietan. Tren zerbitzuak (ohiko trenak eta bereziak) honako ezaugarri hauek izango ditu:

NORGEHIAGOKAREN AURRETIK

• Hendaiatik - ANOETA- Lasarte: 19:03an.

• Irunetik – ANOETA: 18:52an eta 19:22an

• Herreratik  – ANOETA: 19:23an eta 19:38an.

• Donostia/San Sebastianetik - ANOETA : 19:37an

• Lasartetik – ANOETA – Hendaia: 19:15ean eta 19:30an.

NORGEHIAGOKAREN ONDOREN

•ANOETA - Hendaia:  22:03an, 22:08an (Oiartzun), 22:18an eta 22:33 an

•ANOETA– Lasarte: 22:07an eta 22:37an

Gainerako trenek bere ohiko ordutegia mantenduko dute.

Informazio gehiago behar duten erabiltzaileek Euskotrenen honako telefono zenbaki honetara dei dezakete 902 543 210. Horrez gain informazioa jaso dezakete geltokietan eta geralekuetan eta konpainiaren web gunean www.euskotren.es

URA-Uraren Euskal Agentziak, Eusko Jaurlaritzako Ingurumen eta Lurralde Politika Sailari atxikia, kontsultarako jendaurrean jarri du "Donostiako Martutene Auzoan Urumea Ibaia Uholdeetatik babesteko proiektu aldatua".

Uraren Euskal Agentziaren zuzendari nagusiak 2013ko abenduaren 16an emandako Ebazpenaren bitartez, proiektuak hasierako onespena izan zuen (1. Eta 2. Fase Xehatuak).Proiektu horien baitan jasoak daude, besteren artean, ondasun eta eskubideen zerrenda, 1 eranskin gisa erantsita doana, eta, Ingurumenaren gaineko Eraginaren Azterketarekin batera, jendaurreko kontsultan jarri dira.

Proiektu xehatu hauen xedea: Martutene auzoa uholdeetatik babesteko eta ibaia bideratzeko lanak zehaztu eta zenbatetsi; eta jatorrizko proiektua egokitu. Lan horiek guztiak 2 fasetan egingo dira. 1. faseak Martutene zubitik (pare hori ere bai) ibaian gorako zatia hartuko luke bere baitan, eta 2. faseak Martutene zubitik ibaian beherako zatia, azken jarduera-gunera arte, GI-131 errepidean dagoen Lugañene zubiraino.

Proposatutako ibilguaren biderapenak gutxi gorabehera 1.370 m.-ko luzera dauka eta egungo errekaren ibilguari eustea du xede, inolako eraginik sortu gabe, eta 0,00 kotatik aurrera bere zabalera handituz. Guztira, 45 metro gutxienez eta 50 metro gehienez izango da ibaiaren behin betiko zabalera.

Proiektatutako biderapen jarduketa hauek ubidea zeharkatzen duten egungo egituretan, Martutene zubia, Pilar auzoko oinezkoentzako zubia eta Añarbeko Urak-en 1000mm diametroko uraren hornikuntza hoditeriaren igarotzea egingo diren aldaketekin bat doaz.

Hori guztia orok jakin dezan ematen da argitara, proiektu honetan interesik edo eraginik duten herritarrek erreklamazioak aurkez ditzaten Donosita / San Sebastian-eko udaletxean edo Ur Agentziaren Ekialdeko Kantaurialdeko Arroen Bulegoan (Kristina infantaren kalea 11, Begoña etxea), Donostia / San Sebastián-en. Aipatutako egoitzetan - baita URAko webgunean http://www.uragentzia.euskadi.net/informacion_urumea/u81-0003/eu/ ere -proiektua agerian egongo da nahi duenak azter dezan.

LABURPENA

EKP ARDURATUKO DA MUTRIKUKO KIROL-PORTUKO ZERBITZU PUBLIKOAREN KUDEAKETAZ

Gobernu Kontseiluak dekretu bat onartu du gaur goizean Mutrikuko kirol-portuko zerbitzu publikoaren kudeaketa EKP-Euskadiko Kirol Portua SAri esleitzeko.

Euskadiko Kirol Portua SAk gaitasun nahikoa eta bermatua du portuko zerbitzu publikoa eskaintzeko Mutrikuko kaian; horregatik, euskal administrazioak uste du zerbitzu publikoaren kudeaketa hobea lor daitekeela berau sozietate publiko horrek egiten badu, arlo horretan eskarmentua baitu.

LABURPENA

BILBOKO UR PARTZUERGOAK BARAKALDORAKO HARTUNE-KUTXETAK GURUTZETA-RONTEGI EROANBIDETIK IZENEKO PROIEKTURAKO NAHITAEZKO DESJABETZEA EGITEA ONETSI DU EUSKO JAURLARITZAK

Barakaldorako hartune-kutxetak Gurutzeta-Rontegi eroanbidetik izeneko proiektuak eragindako ondasunen eta eskubideen okupazioa, nahitaezko desjabetzea gauzatzekoa, premiazkotzat jo du Gobernu Kontseiluak.

Bilbao Bizkaia Ur Partzuergoak Barakaldorako hartune-kutxetak Gurutzeta-Rontegi eroanbidetik proiektua onartu du, eta nahitaez desjabetzeko espedientea hasi du, eragindako finkak okupatzea atzeraezina dela iritzita.

Jarduketa horren bidez Barakaldoko edateko uraren sareko haustura-arazoak konpondu nahi dituzte hartune-kutxetak ezarriz.

Zerbitzu Teknikoek ez dute hirigintza arloko oztoporik espedientea izapidetzeko; horrenbestez, okupazio hori premiazkotzat jotzen da Nahitaezko Desjabetzeari buruzko Legearen 52. artikuluan eta Euskal Autonomia Erkidegoko Lurralde Antolamendurako Legearen 26. artikulua xedatutakoa betez.

• Ingurumen eta Lurralde Politikako sailburua hizketan aritu da Vitoria-Gasteizko Ciudad Jardín Goi-mailako Institutu Teknikoko berrogeita hamar bat ikaslerekin.

Gaur goizean, Ana Oregik, Ingurumen eta Lurralde Politikako sailburu denak, Vitoria-Gasteizko Ciudad Jardín Goi-mailako Institutu Teknikoko goi-zikloko ikasleak animatu ditu "logistikaren sektoreko azterlan eta garapenetan sakontzera". Solasaldi atsegin horretan zehar, ikasleek hainbat galdera egin dizkiote Arasur, Foronda eta salgaiak trenbidez garraiatzeari buruz. Ildo horretatik, Oregik azaldu dizkie "EAEk eskaintzen dituen aukerak eta potentziala, Arku Atlantikoko hub gisa; horren bidez, lider logistiko bilakatzeko asmoa degu".

Aintzane Arrese´k, ikastetxeko zuzendariak, eta Almudena Ruiz de Angulo´k, Eusko Jaurlaritzako Azpiegituren zuzendari denak, Garraio eta Logistikaz hitzaldi bat eman diete berrogeita hamar bat ikasleri, eta, bestalde, horiek dituzten proiektu profesionalez eta datozen egunetan egingo dituzten azterketez interesatu dira.

"Gaur egun bada beste sektore batzuetan baino lan-demanda handiagoa; batez ere, ondoko lanpostuentzako: enpresaren barruan, garraioa kontratatzen duen trafiko-burua; biltegizaina; hirugarrenentzako pleitak kudeatzen dituen karga brocker-a; logistika eta erosketa arloetako operazioen zuzendaria; biltegiko burua; eta logistika-administraria, zeina merkantzien joan-etorriei lotutako era guztietako izapide txikiez arduratzen baita", adierazi du sailburuak.

Oregi sailburuak honako hau ere esan die Garraio eta Logistikako ikasleei: "Euskadi eta Araba kokatzen diren lekuan bizitzea aldeko faktore da; izan ere, Europako eta Penintsulako lekua geografikoa bikainean daude: ardatz atlantikoaren erdigunean eta Europako hego mendebaldea, egiazko nodo edo hub logistikoa osatzen duelarik. Penintsularen goialdean gaude eta beste leku batzuetan ez diren baliabideak ditugu, zeintzuk iraunkor egiten baitituzte garraioa eta logistika.

Kokapen geografikoa
"Bilboko eta Pasaiako portu handiak ditugu" seinalatu du sailburuak. "Bilboko, Hondarribiko eta Forondako aireportuak ditugu, azken horrek kargetarako ahalmen handia du, eta hori baliatu egin behar da. Gure errepide eta autobien sarea konpletoa eta eguneratua da. Euskal Trenbide Sarea eta berorretan den abiadura handiko trena aitzina doaz egunez egun, eta berandu barik: Europako iparralderantz tren-konboietan kargatu ahal izan dituzue kamioi-flotak, edo edozein lekurantz erraz bidali ahal izango dituzue container-kargak. Gure logistika-plataformak -hemen esanguratsuak dira Arasu eta Jundiz- oinarri ona dira gure industria eta ekonomia garatzeko. Ez itzazue horiek ahaztu, eta kontuan eduki itzazue zeun lanpostu eta lan-eremuetan.

Oregi sailburuak ikastetxeko instalazioak ikusmiratu ditu, eta bigarren zikloko ikasleekin (18 urte ingurukoekin) solastatu da zenbait gairen inguruan.

• Durangon egingo den azokak bihar, hilak 24, irekiko ditu ateak

Modu arduratsuan kontsumitzea, biodibertsitatea babesteko gakoak eskaintzea eta Eusko Jaurlaritzaren ingurumen-politikaren lehentasunak ezagutaraztea, horiek dira Eusko Jaurlaritzako Ingurumen Sailaren helburuak urtarrilaren 24tik 26ra Durangon egingo den Berdeago jasangarritasunaren Euskadiko azokaren bigarren ediziorako helburuak.

Erakustazoka jendeari irekitzeko ekitaldian izango da Josean Galera, Eusko Jaurlaritzako Ingurumeneko sailburuordea. Adierazi duenez, «euskal gizarteak duen ingurumen-ardura maila handiaren erakusgarri da gisa honetako ekitaldiek izan ohi duten harrera ona».

«Euskal Autonomia Erkidegoko hamar biztanletik zazpik ingurumena babesteko ahalegin berezia egin ohi dute, Euskadiko ekobarometro sozialaren arabera», azpimarratu du Galerak.

2014ko Berdeagok, Landako Guneko pabilioiaren 4.200 metro koadroak beteko dituenak, mugikortasun jasangarria eta etxebizitzen eraginkortasuna izango ditu ardatz, eta berritasun gisa, hondakinei eta berrerabilerari ere tarte handia eskainiko die.

Tailerrak, hitzaldiak eta standak direla medio, Berdeago 2014ren helburua bisitariak energia aurrezteari, energia berriztagarriei eta energia-eraginkortasunari buruz kontzientzia da. Horretarako, azokaren egitarauak herritarren partaidetzarako eta konplizitaterako aukera emango du, energiaren aurrezkiarekin loturiko jokabideak zabaltzeko.

Arrakasta
Berrogeita hamar enpresak baino gehiagok baieztatu dute jasangarritasunaren euskal azokan egongo direla, tartean Lauhaus, Lasian, Eki Energia, Energiaren Euskal Erakundea (EVE), Giroa, Renault edo IK4 Azterlan. Antolatzaileek 10.000 bisitari hartzea espero dute, era horretan, teknologia eta jokabide jasangarriak sustatzeak ematen dituen aukera ekonomiko eta sozialak bertatik bertara ezagutzeko.

Erakusketa-guneaz gain, Berdeagok hitzaldi sorta bat eskainiko du; esaterako, EHUren Energia Berriztagarrien gradua, etorkizun hurbileko mugikortasuna edo egungo energia-eredua izango dira hizpide. Gainera, gazteenek, 5 eta 18 urte artekoek, azokaren gaiari lotuta antolatu diren tailer praktikoetan parte hartzeko aukera izango dute.

2013an sortu zen Berdeago Oñatiko Unibertsitateko Lidergo Ekintzailetza eta Berrikuntza graduko bost ikasleren ekimenez, hainbat erakundek lagunduta, besteak beste, Bizkaiko Foru Aldundiak eta Durango Udalak. Lehen edizioan 38 enpresak parte hartu zuten, Euskal Herriko eta Mondragon Unibertsitateez gain. Horiez bestela, bertan izan ziren teknologia- eta ikerketa-zentroak, energia-zerbitzuetako enpresak, energia berriztagarrien enpresa instalatzaileak eta auto-ekoizleak. Energia aurreztean eta energia berriztagarrietan interesatutako 6.000 bisitaritik gora hurbildu ziren, energia-aurrezkiaren arloko teknologia berriak eta jokabideak ezagutzeko aukera izan zutenak.

Euskotrenek tren zerbitzua indartuko du astelehenean, urtarrilaren 27an, Erreala eta Elche C.F. taldeek Anoeta estadioan 22:00etan jokatuko duten partida dela eta.

Zerbitzua indartzen duten tren bereziek ohiko geldialdiak egingo dituzte gainerako geltokietan. Tren zerbitzuak (ohiko trenak eta bereziak) honako ezaugarri hauek izango ditu:

NORGEHIAGOKAREN AURRETIK

• Hendaiatik - ANOETA- Lasarte: 21:03 an

• Errenteriatik - ANOETA: 21:16 an

• Oiartzunetik - ANOETA: 21:27 an

• Irunetik - ANOETA: 21:22 an

• Lasartetik – ANOETA – Hendaia: 21:30 ean

NORGEHIAGOKAREN ONDOREN

•ANOETA - Hendaia:  0:03 an, 0:08 an eta 0:18 an

•ANOETA– Lasarte: 0:07 an.

Gainerako trenek bere ohiko ordutegia mantenduko dute.

Informazio gehiago behar duten erabiltzaileek Euskotrenen honako telefono zenbaki honetara dei dezakete 902 543 210. Horrez gain informazioa jaso dezakete geltokietan eta geralekuetan eta konpainiaren web gunean www.euskotren.es

Eusko Jaurlaritzako Ingurumen eta Lurralde Politika Sailaren esku dagoen Euskotren Sozietate Publikoak, Usurbilen datorren igande goizean, urtarrilaren 26an, autobusen zerbitzua aldatuko du BTT proba baten ospakizuna dela eta. Horren ondorioz Nagusia kalea trafikorako itxita egongo da.

Aldaketak soil-soilik 8:00ak eta 14:00ak bitartean burutuko dira Zumaiarantz doazen zirkulazioentzako eta ondorengo hauek izango dira:

• Autobusak saihesbidetik ibiliko dira.

• Geldialdiak San Inazioko biribilgunean eta Atxegaldeko auzoan burutuko dira.

Donostiarantz doazen zirkulazioei dagokionez, ohiko ibilbidea eta geralekua burutuko dira.

Informazio gehiago behar duten erabiltzaileek 902 543 210 informazio telefonoa eta www.euskotren.es Euskotreneko web-orrialdea eskura izango dituzte.

• Durangoko Berdeago ferian parte hartu du Eusko Jaurlaritzako Ingurumen sailburuordeak

Eusko Jaurlaritzako Ingurumeneko sailburuorde Josean Galerak gomendatu duenez, «gizartearen zati handi batena bezain bizi-maila egokiari eusteko beste modu bat pentsatu beharra dago, orain artekoa bezain ingurumen-kostu handia eragingo ez duena». Galerak Durangoko Berdeago ingurumen-ferian adierazi duenez, 2030. urtean eskura daukaguna baino % 40 ur edangarri gehiago beharko dugu, eta 2050erako, berriz, baliabide naturalen eskaera gaur egungoa halako hiru egingo da.

Ingurumenaren sektoreko 50 enpresatik gora elkartu diren feria honetan izan da sailburuordea. Asteburu honetan hamar mila bisitaritik gora jasoko ditu Durangon feriak. Galeraren iritziz, «enpresek eta herri-administrazioek elkar hartuta jardun behar dute lanean, gaur egungo hazte-eredua, baliabideen kontsumoan oinarritua, eraldatzeko eta baliabideen eraginkortasunean oinarritutako batez ordezteko; alegia, produktuak lehengai gisa sartzeko berriz ere ekoizpen-zikloan»

Durangoko alkatesarekin eta Bizkaiko Ingurumeneko foru-diputatuarekin batera, «euskal herritarrak jakitun dira zenbateko erantzukizuna duen beren portaerak ingurumenaren zaintzan» azaldu du Galerak. «Horri zor zaio biztanleen % 80k baino gehiagok uste izatea kontsumo jasangarriaren bidez nork bere ekarpena eginda ingurumena hobetzen lagun lezakeela».

«Ekonomia eta enpresak zirt edo zart egiteko unean gaude, eta ezinbestekoa da sistema ekonomiko jasangarriago eta bidezkoago baten alde lan egitea, karbonoarekiko hain mendekoa ez den, baliabideak eraginkor erabiltzen eta birziklatzen dituen eta sozialki inklusiboa den ekonomia batean», gehitu du Galera sailburuak.

Eraldaketa sakona
Ingurumeneko sailburuordeak esan duenez, «Euskal Herriko enpresa-bilbea gauza izan da azken 30 urteetan aldaketa sakona egiteko ingurumenarekiko begirunearen alorrean, eta horri esker erreferentzial bilakatu dela. Industriak isurtzen du EAEn zuzenean isurtzen diren berotegi-efektuko gasen % 21».

«1990az geroztik -hori baita Kyotoko protokoloak abiapuntutzat hartu zuen urtea-, industriaren isuriak % 43 murriztu dira aldaketa eta eraldaketa teknologikoari esker. Eusko Jaurlaritzak zer esan handia izan du Industriak egokitzeko egin duen ahalegin handi horretan. Hori dela eta, milioi bat eta hirurehun mila euroz lagundu ditugu ingurumena babesteko ehun bat proiektu, gehienetan Euskal Herriko ETEek garatuak eta 40 lanpostu sortzea ekarriko dutenak», azpimarratu du Galerak.

«Mugikortasun jasangarria, etxe barruko eraginkortasun energetikoa, hondakinen kudeaketa egokia eta birziklatzearen kultura sustatzea izan dira Berdeago feriaren aurtengo ekitaldiaren aurkezpenaren ardatzak, eta elementu gakoak izango dira gure seme-alabek bihar guk gaur dugunaz gozatzeko» esanez amaitu du Eusko Jaurlaritzako Ingurumeneko sailburuordeak.

Eusko Jaurlaritzako Ingurumen eta Lurralde Politika Saila Bizkaiko eta Gipuzkoako portuetako kartelak eta seinaleak berritzen ari da, baita horien diseinua sinplifikatzen ere. Hain zuzen ere, zerbitzuak, bainatzeko mugak eta nabigatzeko baldintzak adierazten dituzten kartelak dira.

«Eusko Jaurlaritzako Garraio Sailburuordetzak beharrezkotzat jo du irizpideak bateratzea, seinaleak sinpletzea, errazago ikusi eta interpreta daitezen, eta nabigazio eta erabiltzaileen beharretara egokitzea», azaldu du Almudena Ruiz de Angulo Azpiegituren zuzendariak.

Bizkaiko zenbait portutako (Ea, Mundaka, Plentzia, Elantxobe, Armintza, Ondarroa, Lekeitio eta Bermeo) eta Gipuzkoako portuetako seinaleek 1.500 X 1.200 mm neurtzen dituzte. Eusko Jaurlaritzako logotipoa eta web helbidea ez ezik, hainbat informazio ere biltzen dute: portuaren izena, ematen dituen zerbitzuak -garabia, ura, amarradura, atoi arrapala, informazio puntua, bideo bidezko segurtasun zaintza, argi hartuneak-, bainatzeko mugak eta debekuak, arrantza, abiadura, sakonera, ibilgailuak eta pertsonak uretara erortzeko arriskua, karga-guneak, jarduera handiko eremuetan erortzeko arriskuak eta portuko jarduera, besteak beste.

Euskadiko portuetako kartelak Atlantikoko Europan erabiltzen direnen antzekoak dira: intuitiboak eta egokiak, metalezko oinarriarekin eta Bizkaiko golkoko baldintza meteorologiko gogorrei eusteko diseinatuta daude.

«Arrantza-, merkataritza- eta kirol-portuak jarduera jakin batera zuzenduta daude, eta horregatik, zenbait zaintza behar dituzte. Hondartzak bainatzeko eta aisialdiko jardueretarako dira, horregatik dagokien kudeaketak eta mugak dituzte», adierazi du Almudena Ruiz de Angulok.

«Zorionez, erabiltzaile gehienek badakite baldintza gutxi horiek espazioen aprobetxamendu eta erabilera onena bermatzen dutela», adierazi du Eusko Jaurlaritzako Azpiegituren zuzendariak.

Gaur goizean CEIP Berango-Merana HLHI lehen hezkuntzako 6. Kurtsoko 31 ikaslek 120 zuhaitzetik gora landatu dituzte Gobelako ibaiertzetan, Berangoko Moreaga eremuan. Aukeraturiko zuhaitzak lizarrak, sahatsak eta haltzak izan dira , ibai ertzak finkatzeko duten ahalmenagatik.

Landaketak hasi aurretik, ibaiertzeko landarediaren garrantzia zertan datza jakinarazi zaie. Mintzagai izan dute ibaiertzetako landarediak ibai ertzak finkatzeko eta uraren higidura murrizteko duen ahalmena. Baita uraren tenperatura moteltzeko ahalmena edota espezie anitzentzat babeserako eta ernaltzeko gotorleku izateko ahalmena ere.

Berangoko Alkatearen hitzetan "URAk eskainitako ekimen hau aukera paregabea da hiritarrek uler dezaten ibaiertzetako landarediak zenbateko garrantzia duen ertzak finkatzeko".

Landaketetan parte hartu dute ikastetxeko ikasleek ere ekarpenak egin dituzte:

"Orain lizarrak, sahatsak eta haltzak bereizten badakigu. Behintzat halaxe uste dugu. Hasten direnean, ziur hobeto bereiziko ditugula!.

"Izugarri gustatu zait zuhaitzak landatzea". "Gehien gustatu zaiguna bi futbol pilota aurkitzea izan da". "Landatu ditudan zuhaitzen altuera neurtzen ikasi dut". "Nik ere sustraiak neurtu ditut".

URAk Berangoko Udalari eskertu nahi dio ekimen hau aurrera eramateko izan duen harmen beroa, eta Berangoko CEIP Berango-Merana HLHI-ari parte hartzeagatik.

Datorren asteazkenean, urtarrilak 29, Euskotrenek Bilboko tranbiaren maiztasunak areagotuko ditu, egun horretan, San Mamesen, gaueko 20:00etan hasita Athletic eta Atlético Madrid taldeen aurkako partidara doazen pertsonen joan-etorri beharrak betetzeko.

Horrela, Euskotrenek erabiltzaileei 10 minutuz behineko ohiko zirkulazioaz gain, beste bi zerbitzu berezi ere eskainiko dizkie erabiltzaileei, Pio Barojatik Ospitalerantz 19:31n eta 19:41ean.

Norgehiagoka amaitu ondoren, tranbiaren zirkulazio berezia martxan jarriko da La Casillatik 21:47an eta Ospitaletik  21:57an Atxurirantz ohiko zerbitzua indartzeko.

Luzapena egotekotan zerbitzu berezia martxan da Ospitaletik Atxurirantz 22:37an.

Unitate berezi horiei esker geraleku horietan dauden bidaiari guztiak eraman ahal izango dira.

Bilboko tranbiarako sarrera errazagoa eta azkarragoa izan dadin,  Euskotrenek ordaintzerakoan Barik erabiltzea gomendatzen du. Informazio gehiago lortzeko asmoz, erabiltzaileek 902 543 210 telefono zenbakira dei dezakete edota tranbiaren www.euskotren.es web gunea kontsulta dezakete.

URA-Uraren Euskal Agentziak, Eusko Jaurlaritzako Ingurumen eta Politika Sailari atxikirik dagoena, azken urtean 37 ekintza burutu ditu Urumea ibaiaren ibilgua mantentzeko, ibilgu mantentze zerbitzuaren bitartez. Horien artean azpimarratzekoak dira 17 ezbeharrei aurre egiteko ekintzak izan direla, hain zuzen ere, egun hauetako bezalako gertakarien kalteak murriztera bideratuak daudenak. URAko zuzendaria Iñigo Ansola, azpimarratu nahi izan du URAk eskaintzen duen "alerta goiztiarrerako" sistema eta instituzioen arteko elkarlana urte guztian zehar, gehiago momentu kritikoetan, Eusko Jaurlaritzako Segurtasun Saileko Larrialdi zerbitzuarekin "hainbat egoerei aurre hartu eta konpontzea ahalbidetzen duena"

URAko zuzendari Iñigo Ansolak aipatu duenez " Urumean, Euskadiko beste ibaietan bezala, hainbat ekintza abian jartzen ditugu: ekintza bereziak, ibaiertz eta ibilguak ingurumenaren ikuspegitik hobetzeko lanak edota erabiltzen ez diren azpiegituren eraisketak; mantentzeari dagozkionak, adibidez, enborrak eta adarrak kentzea, sastrakak kentze-hautakorra; ibilguetatik oztopoak kentzea, ibilguaren erdian hazten den landaredia kentzea, harri-lubeta birkolokatu eta naturalizatzea; material-soberakin pilaketak kentzea, zuhaitzak mugitu, atera, moztu eta horiei adarrak kentzea; zuhaitz eta zuhaixkak landatu, ibaiertzen egonkortasun naturala mantentzea, landaketak mantentzea entresaka eta inausaldiekin, ibilguak lehengoratzea bioingenieria teknikekin, datozen landaketetarako materialak bildu, eta, azkenik, landare inbaditzaileen kontrola."

" URAtik hainbat ekintza egiten dira ibaiertzetako landaredi egokia hobetu eta mantentzeko eta ahalmen hidraulikoa hobetzeko, ekintza horiek lehentasuna duten guneetan. Ekintza horiek baliabide dira ingurumena hobetzeko, ibaiertzak birlandatzeko, eroritako zuhaitzak kentzeko, ibaiertzak egonkortzeko eta espezie inbaditzaileen kudeaketarako" gehitu du Ansolak.

Garrantzitsua da gure ibaien eguneroko eta oinarrizko garbiketa eta ibilgu mantentze lan hori - baieztatu du URAko zuzendariak - Baina era berean garrantzitsua da egiten ari garen lana Loiola, Karabel edo Martuteneko eremuan. Añarbeko urtegian gaur egun gainezkabidearen uhateek eta bere eragite sistemak duten egoera berraztertu da, eta bere berriztatzea ekipamendu elektroniko, informatiko eta telekomunikaziokorako baliabideekin. Egiako zubiarako Donostian, hitzarmen bat sinatu da Udalarekin ordezkatzeko proiektua zehazteko. Loiolako ETSko zubia sekzio hidrauliko handiagoa izango duen batengatik ordezkatzen ari gara, ibilbidea bitan banatu eta egokitzeko lan garesti baten barruan.

Ansola gogoratu du "URAk ere Txominen definizioan lan egiten duela, eta Martutenen proiektua idatzia dagoela, hain zuzen ere momentu honetan informazio publikoan dagoena otsailaren 11ko epemugarekin alegazioak aurkezteko. Lanek Astigarraga, Ergobia-Akarregi, Hernani eta Eziago poligonorantz hedatzen dira.

"URAk egiten duen lana ez da momentuko gauza eta horren froga da plangintzaren arloan egiten diren ekimenak" zehaztu du Ansolak. "Uraren Euskal Agentzia jakitun da azken egunetako eurite gogorrek herritarrengan sorten duten ziurgabetasunaz eta horregatik, beste administrazioekin batera elkarlanean dihardugu epe laburrera kalteak murrizteko, ahal den heinean eta era berean Urumea ibaiaren hobekuntzarako proiektu zabalean aurrera egiteko.

URA- Uraren Euskal Agentziaren funtzio nagusien artean daude Euskal Autonomia Erkidegoko ur masen egoera babestu, mantendu eta hobetzea, eta gure lurraldean uholde arriskuari aurre egitea eta murriztea. URAk funtzio horiek betetzeko Plangintza Hidrologikoa eta Baimen Erregimenaz baliatzen da, eta horiek osatzeko, Ibilguak mantendu eta berreskuratzeko Zerbitzua dauka.

Euskotrenek, otsailaren 1ean, garraio aldaketa burutuko du Bilbao-Donostia trenbide lineako Eibar eta Ermua arteko geltokien artean, Amaña eta Ardantza arteko trenbidearen erdibitze lanak direla eta.

Ukitutako trenak hasiera, helmuga, noranzkoa zein izanik ere Ermua-Eibar tartean dabiltzan tren guztiak, zerbitzuaren hasieratik 14:00etara.

Bilbao-Ermua tartean eta Eibar-Donostia tartean, trenak ohi bezala ibiliko dira.

Autobusez egin beharreko garraio aldaketa zerbitzuaren ezaugarriak ondorengo hauek izango dira:

BILBAO-DONOSTIA TRENAK

Bilbao-Donostia trenetako bidaiariek trenetik autobusera egingo dute garraio aldaketa Ermuan, eta autobusak helmugaraino eramango ditu. Gero bidaiariak dagozkien autobus geralekuetan jaitsiko dira.

Errotaberriko, San Lorentzoko, Unibertsitateko eta Ardantzako bidaiariek, jomugaraino eramango dituen autobusa hartuko dute.

BARIK txartela erabiltzen duten bidaiariek bidaia Ermuan itxi beharko dute.

DONOSTIA-BILBAO TRENAK

Donostia-Bilbao trenetako erabiltzaileek, Eibarren ondorengo geltokietara doazenek, trenetik autobusera egingo dute garraio aldaketa Eibarren eta azken honek helmugaraino eramango ditu, dagozkien autobus geralekuetan utziz.

Ardantzako, Unibertsitateko, San Lorentzoko eta Errotaberriko bidaiariek, jomugaraino eramango dituen autobusa hartuko dute.

MUGI txartela erabiltzen dutenek bidaia Eibarren itxi behar dute.

Informazio gehiago behar duten erabiltzaileek Euskotrenen honako telefono zenbaki honetara dei dezakete 902 543 210. Horrez gain informazioa jaso dezakete geltokietan eta geralekuetan eta konpainiaren web gunean www.euskotren.es

• Igandea, Hezeguneen Nazioarteko Eguna
  
• Sailburuak Txingudiko urmaeletan egiten ari diren lanak bisitatu ditu (anfibioentzako urmaelak eta uhalde-enara eta martin arrantzaleentzako oinak eta kutxatilak).

Eusko Jaurlaritzako Ingurumen eta Lurralde Politikako sailburu Ana Oregik gaur goizean Irunen nabarmendu duenez, "Txinbadia 2014/2015 proiektuak 1.078.869 euroko aurrekontua izango du Txingudiko padurak dinamizatzeko eta leheneratzeko jardueretarako". Oregik Plaiaundiko Ekoetxearen jardunaldi tekniko batean parte hartu du, asteburu honetan ospatuko den Hezeguneen Nazioarteko Egunaren harira, eta leheneratzen ari diren anfibioentzako urmaelak eta uhalde-enara eta martin arrantzaleentzako oinak eta kutxatilak bisitatu ditu.

"Txinbadiak Hendaiaren parte-hartzea du, eta etorkizunerako plangintza eta lan-ildoak jorratuko ditu naturgunean eskumen zuzenak dituzten eragileekin", esan du Oregik. Gainera, nabarmendu egin ditu "Eusko Jaurlaritza RAMSAR eta Natura 2000 Sarea izendapena duten Euskadiko hezeguneetako bi leheneratzeko egiten ari den apustua, Oka ibaiaren goi estuarioan, Urdaibai biosfera-erreserban, eta Txingudiko badian egindako leheneratze-jarduerak".

Sailburuak Euskadiko azken ekobarometro soziala aipatu du. Horrek euskal gizartearen ingurumen-pertzepzioak jartzen ditu, eta, horren arabera, "biodibertsitate" kontzeptua "gure herritarrengandik pixka bat urruti dago oraindik ere; izan ere, % 27k diote ez dakitela zer esan nahi duen. Badaukagu zer eginik".

"Gaur egun -esan du Oregik-, 4,4 bat milioi lanpostu daude Europar Batasunean, eta 400 mila milioi euro baino gehiago sortzen dira urtean negozio-bolumenean. Hori guztia ekosistemak behar bezala kontserbatzetik dator zuzenean, eta ekosistema horietako proportzio esanguratsu bat Natura 2000 Sarearen barruan dago".

"Ingurumen-arazo batzuen aurrean -adibidez, klima-aldaketaren eta ur eta airearen kalitate arazoen aurrean-, naturak berak ematen dizkigun irtenbideak inguruneari kalte handiagoa egiten dioten beste irtenbide mota batzuk baino errentagarriagoak izaten dira. Gainera, naturaren alde lan eginez, epe luzerako onurak lortzen ditugu, denborak aurrera egin ahala modu orekatuan irauten duten onurak", adierazi du Ingurumen eta Lurralde Politikako sailburuak.

Lehentasunak
Oregiren arabera, "Natura-ondarea babestea eta kudeatzea zuzentzen dudan Sailaren lehentasun nagusietakoak dira, eta horren barruan ekosistemen kontserbazioa nabarmentzen da. Bereziki beharrezkoa da ur-ekosistemak baloratzea".

Ana Oregik nabarmendu duenez, "Eusko Jaurlaritza ahaleginak egiten ari da RAMSAR eta Natura 2000 Sarea izendapena duten Euskadiko hezeguneak leheneratzeko. Urdaibai biosfera-erreserban dagoen Oka ibaiaren goi-estuarioa leheneratzeaz eta Txingudiko badian egindako leheneratze-ekintzez ari naiz".

"Urdaibaiko goi-estuarioa leheneratzeko eta balioztatzeko proiekturako, hasieratik gaur egunera arte, guztira, 2.650.000 €-ko inbertsioa egin dugu. Aurten, beste 600.000 € inguru inbertituko ditugu proiektua bukatzeko. Proiektuaren helburua, biosfera-erreserben xedeei jarraiki, estuarioko eremu horren ingurumen-ezaugarriak leheneratzea eta klima-aldaketak eragindako itsas-mailaren gorakadari aurre egitea da. Era berean, naturaren zaintza eta erabilera publikoa bateragarri egin nahi ditu. Horretarako, jasangarritasunaren gaineko heziketa, mugikortasun jasangarria eta Urdaibairen garapen ekonomikoa sustatu nahi ditu, ekoturismoaren bidez", zehaztu du Euskadiko Ingurumeneko arduradun nagusiak.

Txinbadia
Gainera, Oregik gehitu duenez, "Txingudiko padurak hezeguneen ingurumen-leheneratzearen adibide ona dira". 1998an, Plaiaundi leheneratu genuen. Txingudi zaintzeko lehenengo pausoa izan zen. Hala Plaiaundin nola Jaitzubian egin diren leheneratze-jardueretako batzuk mugaz gaindiko TXINBADIA elkarlan-proiektuaren parte dira. Proiektu hori Espainiaren, Frantziaren eta Andorraren arteko programa operatiboan (POCTEFA) sartuta dago. TXINBADIA Natura 2000 Sarean sartuta dauden eremu hauen gaineko ingurumen-heziketan, kudeaketan eta erabilera publikoan jarduten duen lan-sare bat da, Txingudiko Padurek, Abbadia Eremuak eta Frantziako Euskal Erlaitzak osatua. Pirinio Atlantikoetako Kontseilu Orokorra, Itsasertzeko Kontserbatorioa eta CPIE Euskal Itsasertza elkartea dira proiektu honetako bazkideak, eta Eusko Jaurlaritzak, Ingurumen eta Lurralde Politikako Sailaren bitartez, taldeburu gisa lan egiten du. TXINBADIAk 2,7 milioi euroko aurrekontua izan du. % 65 Europako Eskualde Garapenerako Funtsaren bitartez kofinantzatu da, eta gaur egun, azken garapen-fasean dago. Zehazki, Asporotsttipi baserria Abadia Eremuko Euskal Erlaitzaren Interpretazio Gune gisa egokitzeko lanak bukatzen.

Honako hauek parte hartu dute jardunaldietan: Hondarribiko alkate Aitor Kerejeta, Ingurumeneko sailburuorde Josean Galera, Natura Inguruneko zuzendari Amaia Barredo, Jordi Sargatal (Aiguamolls de l'Empordàko natura-parkeko zuzendaria), Alberto Manzanos (URAko Plangintza eta Lan Arloko Informazio Hidrologikoko teknikaria), Magdalena Bernués (Hezeguneen Kontserbazio eta Inbentario Zerbitzua. MAGRAMA), Azucena Salazar (Ingurumeneko teknikaria. Eusko Jaurlaritzako Natura Ingurune eta Plangintza Zuzendaritza), Sylvain Cardonnel (Naturgune Sentikorren zaintzaile kudeatzailea. Girondako Kontseilu Nagusiko Ingurumen eta Turismo Zuzendaritza), Alberto Luengo (Txingudiko paduretako teknikaria - Eusko Jaurlaritza), Fernando de Juana (Eraztun Berde eta Biodibertsitate Unitateko burua. Gasteizko Udala) eta Manu Monge (Urdaibai biosfera-erreserbako teknikaria - Eusko Jaurlaritza).

• Eusko Jaurlaritzako Ingurumen eta Lurralde Politikako sailburuak Arabako udalerriaren ur arloko beharrak aztertu ditu
  
• «Jasangarritasunak administrazio eta erakunde guztien elkarlana eskatzen du kostuak murrizteko eta hainbat helburu errazago gauzatzeko»

Burgeluko alkate Natividad López de Munainek hainbat gairen berri eman dio Eusko Jaurlaritzako Ingurumen eta Lurralde Politikako sailburu Ana Oregiri ur-saneamendu eta -horniketako sistemak handitzeko eta ibai-ibilguak mantentzeko beharrari dagokionez. Arabako udalerriko herritarrek jasangarritasun arloan egiten duten lana nabarmendu du Oregik, etxeko hondakinak ia hogei tona murriztu baitituzte konpostajeari eta birziklatzeko lan onari esker.

Oregik azaldu duenez, «jasangarritasunak administrazio eta erakunde guztien elkarlana eskatzen du; izan ere, era horretan kostuak murrizten dira, helburuak erraz gauzatzen dira, eta herritarrek bizi maila hobea izaten dute. Horixe da, hain zuzen, Añua, Arbulu, Argomaiz, Burgelu, Gazeta eta Ixona herrien adibidea; Burgu udalerria osatzen duten herri horien antolaketa harrotasun handiz izan daiteke Arabaren eta Euskadiren ordezkari udal-antolaketa eta -kudeaketari dagokionez».

Natividad López de Munain alkateak Dulantzi ibaian egindako hainbat jarduketaren berri ere eman dio Ana Oregiri; halaber, «mantentze zuzena eta naturala eskatu du horrentzat, ordura arte egindakoa bezalakoa, eta ez hiriguneetako tartera mugatuta».

Burgelun 2006an hasitako konpostaje-lanarekiko interesa agertu du Oregik, orobat; horren bidez, udalerriko guneetan sortutako materia organikoa eraldatu nahi da. Hala, hondakin organikoentzako konpostatzaileak ezartzeaz gain, hainbat lurzati ere prestatu dira inaustearen zein segatzearen hondakinak bereiz biltzeko. Udalak kudeatzen du konpostaje-proiektua 2007tik nekazari bati emandako kontrataren bidez; segatu eta inausitakoa xehatu eta banatzeaz arduratzen da, bai eta konpostatzaileetan sartutako hondakinen bilakaera kontrolatzeaz ere.